önnur afmælisstelpa

jæja nú á yngri stelpan 1árs afmæli í dag og sjómannadagurinn er á morgun, í dag á Solla frænka 56ára afmæli og litli bróðir hennar Hrefnu hann Jökull er 15ára svo ég segi bara til hamingju með afmælið allir............

jæja ekki er nú hægt að hæla mér fyrir bloggskrif en ég ætla þó að bæta hér við: síðan síðast þá hefur strákurinn minn fullorðnast þ.e. náð 18 ára aldri og það sama gerði systurdóttir mín hún Sunna, næst er svo yngsti meðlimurinn hún Sigríður Ýrr en hún nær þeim áfanga að verða 1. árs þann 6.júní n.k.

afmælisstelpan

s.l. föstudag, á sjálfan bóndadaginn, varð stærri prinsessan mín 2 ára, húrra , húrra fyrir henni.

gú gú gengið.........

mikið rosalega var gaman að hitta kellurnar aftur eftir langt jólafrí......og mikið rosalega var gaman að sjá að þær eru allar jafn hressar og gú-gú og áður!!! mér létti stórum því annars hefðum við ekki átt neitt sameiginlegt áfram......nema þá kannski handavinnusýkina :O)

þær voru náttúrulega allar með flott verkefni í höndunum og fram úr þeim sköruðu náttúrulega þessir líka fínu sokkar sem hún Guðbjörg var að prjóna (hehehe) og lokaniðurstaðan var sú að annað hvort var barnið með annan fótinn minni en hinn eða altént hinn fótinn stærri en annan......??!!

Svo lærðum við nýja prjónaaðferð hjá Kristínu en það felst í því að vera örlítið fljótfær og fórna höndum yfir því að vera búin að gera vitleysu, rífa svo lykkjurnar af prjóninum, rekja örlítið upp og uppgötva svo að þetta var rétt hjá þér upphaflega og þú hefðir aldrei þurft að rekja upp........

við hinar reyndum svo að druslast áfram í okkar bútasaumi (sem gekk nú alveg ágætlega) og það var ákveðið að við myndum hittast annan miðvikudag í mánuði en svo verðum við líka að muna að koma í ´hina kirkjuna´ næsta miðvikudag :O) kl.19.30

og þá hefst það....

maður er víst ekki maður með mönnum nema að blogga eða vera á facebook og hingað til hef ég verið hvorugt svo..... nú er bara að bíða og sjá hvað ég held út hérna.....